RFI
លោកសម រង្ស៊ី ថ្លែងទៅកាន់អ្នកគាំទ្រ នៅទីលានប្រជាធិបតេយ្យ ថ្ងៃទី១៩ កក្កដា ឆ្នាំ២០១៣
rfi/channa
ប្រធានគណបក្សសង្គ្រោះជាតិ លោក សម រង្ស៊ី បានប្រកាសថា តំណាងរាស្ត្រគណបក្សសង្គ្រោះជាតិនឹងមិនចូលរួមប្រជុំ សភានៅថ្ងៃដំបូងជាដាច់ខាត ប្រសិនបើពុំមានដំណោះស្រាយណាមួយឲ្យបានសមស្រប ទាក់ទងនឹងការលួចបន្លំសន្លឹកឆ្នោត។ លោក សមរង្ស៊ី និងលោក កឹមសុខា បានប្រកាសប្រាប់សកម្មជនអ្នកគាំទ្រពីជ័យជម្នះរបស់គណបក្សសង្គ្រោះ ជាតិ លើការបោះឆ្នោត កាលពីថ្ងៃអាទិត្យ ទី២៨កក្កដាកន្លងទៅនេះ។ មេបក្សប្រឆាំងរូបនេះបានបញ្ជាក់ថា បានត្រៀមកម្លាំង ដើម្បីធ្វើបាតុកម្មតវ៉ា ប្រឆាំងនឹងលទ្ធផលបោះឆ្នោតនេះរួចរាល់ហើយ។
លោក សម រង្ស៊ី ប្រធានគណបក្សសង្គ្រោះជាតិប្រកាសមិនចូលរួមប្រជុំសភានៅថ្ងៃដំបូង ជាដាច់ខាត ប្រសិនបើគ្មានដំណោះស្រាយស្តីពីភាពមិនប្រក្រតីនៃការបោះឆ្នោតអាណត្តិ ទី៥នេះទេ។ ប្រធានគណប្សប្រឆាំងរូបនេះ បានបញ្ជាក់យ៉ាងដូច្នេះនៅក្នុងបណ្តាញសង្គមហ្វេសប៊ុករបស់ខ្លួន កាលពីថ្ងៃទី៥សីហា។ លោកសម រង្ស៊ីបានបញ្ជាក់ទៀតថា យើងនឹងរួមគ្នាក្រោកឡើង ទាមទារឲ្យមានការផ្លាស់ប្តូរ ជាដាច់ខាត ក្នុងឆ្នាំ២០១៣នេះ។
ថ្លែងទៅកាន់ពលរដ្ឋដែលមានទំនាស់ដីធ្លីនៅបឹងកក់នៅថ្ងៃដដែលនេះ លោកសម រង្ស៊ី នៅតែទាត់ចោលលទ្ធផលបោះឆ្នោតបណ្តោះអាសន្ន ហើយអំពាវនាវឱ្យអង្គកាសហប្រជាជាតិ ចូលអន្តរាគមន៍ធ្វើជាអាជ្ញាកណ្តាលសម្រាប់ការដោះស្រាយភាពមិនប្រក្រតី ដែលបក្សប្រឆាំងចោទថា បានបង្កឡើងដោយគណបក្សកាន់អំណាច និងគណៈកម្មាធិការជាតិរៀបចំការបោះឆ្នោត។ ការតវ៉ារបស់បក្សប្រឆាំងបានធ្វើឡើងខណៈដែល គណបក្សប្រជាជនកម្ពុជា បានអះអាងថា ខ្លួននៅតែបន្តដឹកនាំរដ្ឋាភិបាលដដែល ដោយទទួលបានកៅអីក្នុងសភាចំនួន ៦៨ ទល់នឹង ៥៥កៅអីរបស់គណបក្សសង្គ្រោះជាតិ។
ប៉ុន្តែ ការគំរាមមិនចូលប្រជុំសភារបស់គណបក្សប្រឆាំងមិនបានធ្វើឲ្យ គណបក្សកាន់អំណាចព្រួយបារម្ភទេ។ លោក នាយករដ្ឋមន្ត្រីហ៊ុន សែន បានបញ្ជាក់រួចហើយថា បើទោះបីជាគណបក្សប្រឆាំងមិនចូលរួមក៏ដោយ ក៏គណបក្សប្រជាជនកម្ពុជានៅតែ អាចដំណើរការរដ្ឋសភាសម្រាប់នីតិកាលថ្មីបានដដែល។ សម្រាប់គណបក្សកាន់អំណាច ការមិនចូលប្រជុំរបស់គណបក្សប្រឆាំង មានន័យស្មើនឹងការបោះបង់អាសនៈសភាចោល ហើយពេលនោះ គជប នឹងធ្វើការបែងចែកអាសនៈទាំងនោះឱ្យទៅគណបក្សនយោបាយផ្សេងៗទៀត។
គួររំលឹកផងដែរថាដើម្បីដោះស្រាយភាពជាប់គាំងនយោបាយក្រោយការបោះឆ្នោត លោកនាយករដ្ឋមន្ត្រីហ៊ុន ធ្លាប់ប្រកាសបើកផ្លូវចរចារជាមួយលោក សម រង្ស៊ីម្តងរួចមកហើយកាលពីថ្ងៃទី៣១កក្កដា ដើម្បីជជែកពីការដឹកនាំក្បាលម៉ាស៊ីនរដ្ឋសភា។ សភា ដែលនឹងអាចចាប់ផ្តើមប្រជុំដំបូងនៅខែកញ្ញានេះ។ ប៉ុន្តែ បក្សប្រឆាំងមិនទទួលយកការចរចាណាមួយទេក្រៅតែពីការទាមទារឲ្យដោះស្រាយ ភាពមិនប្រក្រតីនៃការបោះឆ្នោត។ គម្រោងនៃការបង្កើតគណៈកម្មការចម្រុះក៏បានទទួលបរាជ័យទៀតក្រោយពី គណបក្សសង្គ្រោះជាតិបានដកខ្លួន។
ការប្រកាសមិនចូលរួមប្រជុំសភាជាតិលើកដំបូងរបស់គណបក្សប្រឆាំងក្រោយ ការបោះឆ្នោតនៅពេលនេះ គឺជាសញ្ញានៃវិបត្តិនយោបាយថ្មីទៀតនៅកម្ពុជានៅក្រោយការបោះឆ្នោត៕
ថ្លែងទៅកាន់ពលរដ្ឋដែលមានទំនាស់ដីធ្លីនៅបឹងកក់នៅថ្ងៃដដែលនេះ លោកសម រង្ស៊ី នៅតែទាត់ចោលលទ្ធផលបោះឆ្នោតបណ្តោះអាសន្ន ហើយអំពាវនាវឱ្យអង្គកាសហប្រជាជាតិ ចូលអន្តរាគមន៍ធ្វើជាអាជ្ញាកណ្តាលសម្រាប់ការដោះស្រាយភាពមិនប្រក្រតី ដែលបក្សប្រឆាំងចោទថា បានបង្កឡើងដោយគណបក្សកាន់អំណាច និងគណៈកម្មាធិការជាតិរៀបចំការបោះឆ្នោត។ ការតវ៉ារបស់បក្សប្រឆាំងបានធ្វើឡើងខណៈដែល គណបក្សប្រជាជនកម្ពុជា បានអះអាងថា ខ្លួននៅតែបន្តដឹកនាំរដ្ឋាភិបាលដដែល ដោយទទួលបានកៅអីក្នុងសភាចំនួន ៦៨ ទល់នឹង ៥៥កៅអីរបស់គណបក្សសង្គ្រោះជាតិ។
ប៉ុន្តែ ការគំរាមមិនចូលប្រជុំសភារបស់គណបក្សប្រឆាំងមិនបានធ្វើឲ្យ គណបក្សកាន់អំណាចព្រួយបារម្ភទេ។ លោក នាយករដ្ឋមន្ត្រីហ៊ុន សែន បានបញ្ជាក់រួចហើយថា បើទោះបីជាគណបក្សប្រឆាំងមិនចូលរួមក៏ដោយ ក៏គណបក្សប្រជាជនកម្ពុជានៅតែ អាចដំណើរការរដ្ឋសភាសម្រាប់នីតិកាលថ្មីបានដដែល។ សម្រាប់គណបក្សកាន់អំណាច ការមិនចូលប្រជុំរបស់គណបក្សប្រឆាំង មានន័យស្មើនឹងការបោះបង់អាសនៈសភាចោល ហើយពេលនោះ គជប នឹងធ្វើការបែងចែកអាសនៈទាំងនោះឱ្យទៅគណបក្សនយោបាយផ្សេងៗទៀត។
គួររំលឹកផងដែរថាដើម្បីដោះស្រាយភាពជាប់គាំងនយោបាយក្រោយការបោះឆ្នោត លោកនាយករដ្ឋមន្ត្រីហ៊ុន ធ្លាប់ប្រកាសបើកផ្លូវចរចារជាមួយលោក សម រង្ស៊ីម្តងរួចមកហើយកាលពីថ្ងៃទី៣១កក្កដា ដើម្បីជជែកពីការដឹកនាំក្បាលម៉ាស៊ីនរដ្ឋសភា។ សភា ដែលនឹងអាចចាប់ផ្តើមប្រជុំដំបូងនៅខែកញ្ញានេះ។ ប៉ុន្តែ បក្សប្រឆាំងមិនទទួលយកការចរចាណាមួយទេក្រៅតែពីការទាមទារឲ្យដោះស្រាយ ភាពមិនប្រក្រតីនៃការបោះឆ្នោត។ គម្រោងនៃការបង្កើតគណៈកម្មការចម្រុះក៏បានទទួលបរាជ័យទៀតក្រោយពី គណបក្សសង្គ្រោះជាតិបានដកខ្លួន។
ការប្រកាសមិនចូលរួមប្រជុំសភាជាតិលើកដំបូងរបស់គណបក្សប្រឆាំងក្រោយ ការបោះឆ្នោតនៅពេលនេះ គឺជាសញ្ញានៃវិបត្តិនយោបាយថ្មីទៀតនៅកម្ពុជានៅក្រោយការបោះឆ្នោត៕
0 comments:
Post a Comment