ថ្ងៃ សុក្រ 26 កក្កដា 2013
RFI
រហូតមកដល់ម៉ោងជាង២រសៀល ថ្នាក់ដឹកនាំគណបក្សសង្គ្រោះជាតិ បានឡើងមកកំដរឆាកតន្ដ្រីសង្គ្រោះជាតិ ដោយឆ្លាស់គ្នាម្នាក់ម្ដងៗ ថ្លែងសុន្ទរកថា ស្វាគមន៍ទៅកាន់អ្នកគាំទ្ររបស់ខ្លួន។ លោក យឹម សុវណ្ណ, លោក ហូរ វ៉ាន់, និងលោកសុន ឆ័យជាដើម សុទ្ធតែបានថ្លែងពីអារម្មណ៍រំភើបរីករាយ និងអំណរគុណ ដល់អ្នកគាំទ្ររបស់ខ្លួន ដែលមានចំនួនច្រើន ច្រើនលើសលុប ច្រើនជាងអាណត្តិមុនៗ។ ទន្ទឹមនឹងនោះ ថ្នាក់ដឹកនាំទាំងអស់ នៅចុងបញ្ចប់សុន្ទរកថារបស់ខ្លួន ក៏បានអំពាវនាវឲ្យអ្នកគាំទ្រគណបក្សសង្គ្រោះជាតិទាំងអស់ ដែលចូលរួមហែក្បួនឃោសនាបោះឆ្នោតនាថ្ងៃចុងក្រោយនេះ ឲ្យរក្សានូវសណ្ដាប់ធ្នាប់ របៀបរៀបរយឲ្យបានល្អប្រសើរ។
នៅម៉ោង២និង៥០នាទី ប្រធាននិងអនុប្រធានគណបក្សសង្គ្រោះជាតិ លោក សម រង្ស៊ី និងលោកកឹម សុខា បានមកដល់ទីលានប្រជាធិបតេយ្យក្រោមសំឡេងហ៊ោកញ្ជៀវ អបអរយ៉ាងកក្រើកពីសំណាក់អ្នកគាំទ្រ។ លោក សម រង្ស៊ី ប្រធានគណបក្សប្រឆាំង ក្រោយពីវិលត្រឡប់មកពីដំណើរឃោសនានៅតាមខេត្តនានា ពេញមួយសប្ដាហ៍កន្លងទៅនេះ ហាក់មានសង្ឃឹមច្រើន នៅក្នុងការបោះឆ្នោតជាតិអាណត្តិនេះ។
ក្បួនឃោសនាបោះឆ្នោតផ្ដាច់ព្រ័ត្រនៅភ្នំពេញ របស់គណបក្សសង្គ្រោះជាតិ ធ្វើឡើងយ៉ាងអ៊ូរអរជាទីបំផុត។ បើទោះបីជាថ្ងៃក្ដៅ ផ្លូវចង្អៀតស្ទះណែន ស្ទើរតែទៅមុខមិនរួច តែសកម្មជនគណបក្សសង្គ្រោះជាតិ ដែលអង្គុយនៅលើយានជំនិះភាគច្រើនជាម៉ូតូ និងរ៉ឺម៉ក នៅតែមានទឹកមុខញញឹមរកគ្នា។ ហើយពួកគេ នៅតែមានកម្លាំងស្រែកប្រកាសតាមផ្លូវជាហូរហែថា ដូរៗ ជាប់មិនដាច់។
ក្បួនឃោសនាគណបក្សសង្គ្រោះជាតិ ធ្វើដំណើរចេញពីទីលានប្រជាធិបតេយ្យ ឆ្ពោះទៅកាន់ក្បាលស្ពានជ្រោយចង្វារ បត់ទៅរង្វង់មូលទួលគោក រួចទើបបំបែកមកតាមមហាវិថីម៉ៅសេទុង និងមហាវិថីព្រះមុន្នីវង្ស ត្រឡប់មកប្រារព្ធពិធីជាបន្ត នៅទីលានប្រជាធិបតេយ្យវិញ៕
RFI
ថ្ងៃចុងក្រោយនៃការហែឃោសនាបោះឆ្នោតរបស់គណបក្សសង្រ្គោះជាតិ
©siv channa
ក្បួនឃោសនាបោះឆ្នោតផ្ដាច់ព្រ័ត្ររបស់គណបក្សសង្គ្រោះ ជាតិ ដឹកនាំដោយលោកសម រង្ស៊ី ជាមេបក្ស ធ្វើឡើងកាលពីរសៀលថ្ងៃទី២៦ កក្កដា ដោយមានការចូលរួមពីអ្នកគាំទ្រជាច្រើនម៉ឺន ច្រើនសែននាក់។ ក្បួនឃោសនាគណបក្សសង្គ្រោះជាតិ ធ្វើដំណើរចេញពីទីលានប្រជាធិបតេយ្យ ឆ្ពោះទៅកាន់ក្បាលស្ពានជ្រោយចង្វារ បត់ទៅរង្វង់មូលទួលគោក រួចទើបបំបែកមកតាមមហាវិថីម៉ៅសេទុង និងមហាវិថីព្រះមុន្នីវង្ស មុននឹងបកត្រឡប់មកប្រារព្ធពិធីនៅទីលានប្រជាធិបតេយ្យវិញ។
តាំងពីម៉ោងជាងមួយរសៀល អ្នកគាំទ្រគណបក្សសង្គ្រោះជាតិ រាប់ម៉ឺន រាប់សែននាក់ ក្នុងឯកសណ្ឋានគណបក្សសង្គ្រោះជាតិ មានមួក អាវយឺត ទង់គណបក្ស និងទង់ជាតិជាដើម មកប្រមូលផ្ដុំគ្នាកកកុញ នៅលើទីលានប្រជាធិបតេយ្យ ក្បែរវត្តភ្នំ។ មកប្រមូលផ្ដុំគ្នា ព្រោះថ្ងៃនេះ អ្នកគាំទ្រទាំងអស់ មានណាត់ហែក្បួនឃោសនាបោះឆ្នោតផ្ដាច់ព្រ័ត្រ នៅថ្ងៃនេះ ជាមួយមេដឹកនាំគណបក្សរបស់ពួកគេ គឺលោក សម រង្ស៊ី។រហូតមកដល់ម៉ោងជាង២រសៀល ថ្នាក់ដឹកនាំគណបក្សសង្គ្រោះជាតិ បានឡើងមកកំដរឆាកតន្ដ្រីសង្គ្រោះជាតិ ដោយឆ្លាស់គ្នាម្នាក់ម្ដងៗ ថ្លែងសុន្ទរកថា ស្វាគមន៍ទៅកាន់អ្នកគាំទ្ររបស់ខ្លួន។ លោក យឹម សុវណ្ណ, លោក ហូរ វ៉ាន់, និងលោកសុន ឆ័យជាដើម សុទ្ធតែបានថ្លែងពីអារម្មណ៍រំភើបរីករាយ និងអំណរគុណ ដល់អ្នកគាំទ្ររបស់ខ្លួន ដែលមានចំនួនច្រើន ច្រើនលើសលុប ច្រើនជាងអាណត្តិមុនៗ។ ទន្ទឹមនឹងនោះ ថ្នាក់ដឹកនាំទាំងអស់ នៅចុងបញ្ចប់សុន្ទរកថារបស់ខ្លួន ក៏បានអំពាវនាវឲ្យអ្នកគាំទ្រគណបក្សសង្គ្រោះជាតិទាំងអស់ ដែលចូលរួមហែក្បួនឃោសនាបោះឆ្នោតនាថ្ងៃចុងក្រោយនេះ ឲ្យរក្សានូវសណ្ដាប់ធ្នាប់ របៀបរៀបរយឲ្យបានល្អប្រសើរ។
នៅម៉ោង២និង៥០នាទី ប្រធាននិងអនុប្រធានគណបក្សសង្គ្រោះជាតិ លោក សម រង្ស៊ី និងលោកកឹម សុខា បានមកដល់ទីលានប្រជាធិបតេយ្យក្រោមសំឡេងហ៊ោកញ្ជៀវ អបអរយ៉ាងកក្រើកពីសំណាក់អ្នកគាំទ្រ។ លោក សម រង្ស៊ី ប្រធានគណបក្សប្រឆាំង ក្រោយពីវិលត្រឡប់មកពីដំណើរឃោសនានៅតាមខេត្តនានា ពេញមួយសប្ដាហ៍កន្លងទៅនេះ ហាក់មានសង្ឃឹមច្រើន នៅក្នុងការបោះឆ្នោតជាតិអាណត្តិនេះ។
ក្បួនឃោសនាបោះឆ្នោតផ្ដាច់ព្រ័ត្រនៅភ្នំពេញ របស់គណបក្សសង្គ្រោះជាតិ ធ្វើឡើងយ៉ាងអ៊ូរអរជាទីបំផុត។ បើទោះបីជាថ្ងៃក្ដៅ ផ្លូវចង្អៀតស្ទះណែន ស្ទើរតែទៅមុខមិនរួច តែសកម្មជនគណបក្សសង្គ្រោះជាតិ ដែលអង្គុយនៅលើយានជំនិះភាគច្រើនជាម៉ូតូ និងរ៉ឺម៉ក នៅតែមានទឹកមុខញញឹមរកគ្នា។ ហើយពួកគេ នៅតែមានកម្លាំងស្រែកប្រកាសតាមផ្លូវជាហូរហែថា ដូរៗ ជាប់មិនដាច់។
ក្បួនឃោសនាគណបក្សសង្គ្រោះជាតិ ធ្វើដំណើរចេញពីទីលានប្រជាធិបតេយ្យ ឆ្ពោះទៅកាន់ក្បាលស្ពានជ្រោយចង្វារ បត់ទៅរង្វង់មូលទួលគោក រួចទើបបំបែកមកតាមមហាវិថីម៉ៅសេទុង និងមហាវិថីព្រះមុន្នីវង្ស ត្រឡប់មកប្រារព្ធពិធីជាបន្ត នៅទីលានប្រជាធិបតេយ្យវិញ៕
0 comments:
Post a Comment