RFI
លោក សម រង្ស៊ី ប្រធានគណបក្សសង្គ្រោះជាតិ ក្នុងសន្និសីទកាសែតនៅថ្ងៃទី០២ កញ្ញា ២០១៣
RFI/Im Rachna
នៅក្នុងសន្និសីទកាសែតឯទីស្នាក់ការគណបក្សសង្គ្រោះជាតិ កាលពីព្រឹកមិញនេះ លោកសម រង្ស៊ី បានប្រកាសជាផ្លូវការ ពីទម្រង់មហាបាតុកម្មដែលគណបក្សនេះគ្រោងធ្វើ នៅថ្ងៃទី៧ កញ្ញាខាងមុខ ថាជាពិធីស្មឹងស្មាធ បួងសួង ដើម្បីសន្តិភាព។ ជំហរនេះ ត្រូវបានប្រធានគណបក្សប្រឆាំងរូបនេះឲ្យដឹងថា ជាការដង្ហែតាមព្រះរាជតម្រិះរបស់ព្រះមហាក្សត្រ ដូចមាននៅក្នុងព្រះរាជសារចុះថ្ងៃទី៣០ ខែសីហា ដែលបានអំពាវនាវដល់ប្រជាពលរដ្ឋទាំងអស់ ឲ្យ «រក្សាភាពស្ងប់ស្ងៀម និងភាពថ្លៃថ្នូរនៃជាតិយើង»។
លោកសម រង្ស៊ី ប្រធានគណបក្សសង្គ្រោះជាតិ បានប្រកាសពីទម្រង់មហាបាតុកម្មអហិង្សា និងសន្តិវិធីថា ជាពិធីស្មឹងស្មាធ បួងសួង ដើម្បីសន្តិភាព ទាំងផ្លូវកាយនិងផ្លូវចិត្ត។ ជាពិធីស្មឹងស្មាធ បួងសួងក៏ពិតមែន តែលោកកឹម សុខា អនុប្រធានគណបក្សសង្គ្រោះជាតិ បានបញ្ជាក់ថា វានៅតែជាមហាបាតុកម្ម។ គ្រាន់តែមហាបាតុកម្មនេះ ធ្វើឡើងក្នុងរូបភាពអហិង្សា ដោយសន្តិវិធី។
ប្រធានគណបក្សប្រឆាំង លោក សម រង្ស៊ី បញ្ជាក់ឲ្យដឹងពីកម្មវិធីនៃមហាបាតុកម្មអហិង្សានិងសន្តិវិធីនេះថា នឹងមានការជួបជុំគ្នាពីម៉ោង៨ ដល់ម៉ោង១១ព្រឹក ថ្ងៃទី៧ កញ្ញាខាងមុខ ដោយមានការចូលរួមពីព្រះសង្ឃ និងប្រជាពលរដ្ឋគាំទ្រគណបក្សសង្គ្រោះ ជាតិជាច្រើនអង្គ និងច្រើននាក់។ គ្មានឡើយកាំបិត ដំបង និងដុំថ្ម សកម្មជនគណបក្សសង្គ្រោះជាតិនឹងកាន់តែធូប ទៀន និងផ្កា ប៉ុណ្ណោះ នៅក្នុងមហាបាតុកម្មនេះ។ លោកសម រង្ស៊ី ក៏បានអំពាវនាវឲ្យអ្នកគាំទ្រគណបក្សសង្គ្រោះជាតិ ចូលរួមស្មឹងស្មាធ បួងសួង ដើម្បីសន្តិភាព នៅតាមវត្តអារាម ព្រះវិហារគ្រិស្ដសាសនា ឬសាសនាអ៊ីស្លាម នៅទូទាំងប្រទេស។ ហើយលោកនឹងជូនដំណឹងទៅអាជ្ញាធរពីទម្រង់នៃមហាបាតុកម្មនេះ ដោយក្ដីសង្ឃឹមថា នឹងគ្មានការដាក់កម្រិតចំនួនមនុស្សចូលរួម ដូចពេលកន្លងមកឡើយ។
ទម្រង់នៃមហាបាតុកម្មដែលបានប្រកាសនេះ ត្រូវបានប្រធានគណបក្សសង្គ្រោះជាតិ លោក សម រង្ស៊ី ឲ្យដឹងថា ជាការដង្ហែតាមព្រះរាជតម្រិះរបស់ព្រះមហាក្សត្រ ដូចមាននៅក្នុងព្រះរាជសារ ចុះថ្ងៃទី៣០ ខែសីហា ដែលបានអំពាវនាវដល់ប្រជាពលរដ្ឋទាំងអស់ឲ្យ«រក្សាភាពស្ងប់ស្ងៀម និងភាពថ្លៃថ្នូរនៃជាតិយើង»។ បើតាមលោកសម រង្ស៊ី នៅថ្ងៃទី២ កញ្ញានេះ លោកនឹងសរសេរលិខិតមួយថ្វាយព្រះមហាក្សត្រ តែលោកសុំមិនបង្ហាញពីខ្លឹមសារនៃលិខិតនោះទេ។
ជំហរថ្មីរបស់គណបក្សប្រឆាំងត្រូវគេមើលឃើញថា បានធ្វើឡើងក្រោយពីមានការឆ្លើយឆ្លងលិខិតគ្នារវាងប្រធានគណបក្ស ប្រឆាំង លោកសម រង្ស៊ី និងលោកជា ស៊ីម ប្រធានគណបក្សកាន់អំណាច។ នៅក្នុងសន្និសីទកាសែតដដែលនេះ លោកសម រង្ស៊ី បានសម្ដែងការស្វាគមន៍ និងអបអរចំពោះការបើកឱកាសរបស់លោកជា ស៊ីម ឲ្យមានជំនួបថ្នាក់កំពូលរវាងគណបក្សជាប់ឆ្នោតទាំងពីរ។ ប៉ុន្តែ រហូតមកទល់ពេលនេះ គណបក្សទាំងពីរនៅមិនទាន់មានគម្រោងជួបគ្នាជាថ្មីទេ ខណៈដែលលោក នាយករដ្ឋមន្រ្តី ហ៊ុន សែន អវត្តមានពីក្នុងប្រទេស៕
ប្រធានគណបក្សប្រឆាំង លោក សម រង្ស៊ី បញ្ជាក់ឲ្យដឹងពីកម្មវិធីនៃមហាបាតុកម្មអហិង្សានិងសន្តិវិធីនេះថា នឹងមានការជួបជុំគ្នាពីម៉ោង៨ ដល់ម៉ោង១១ព្រឹក ថ្ងៃទី៧ កញ្ញាខាងមុខ ដោយមានការចូលរួមពីព្រះសង្ឃ និងប្រជាពលរដ្ឋគាំទ្រគណបក្សសង្គ្រោះ ជាតិជាច្រើនអង្គ និងច្រើននាក់។ គ្មានឡើយកាំបិត ដំបង និងដុំថ្ម សកម្មជនគណបក្សសង្គ្រោះជាតិនឹងកាន់តែធូប ទៀន និងផ្កា ប៉ុណ្ណោះ នៅក្នុងមហាបាតុកម្មនេះ។ លោកសម រង្ស៊ី ក៏បានអំពាវនាវឲ្យអ្នកគាំទ្រគណបក្សសង្គ្រោះជាតិ ចូលរួមស្មឹងស្មាធ បួងសួង ដើម្បីសន្តិភាព នៅតាមវត្តអារាម ព្រះវិហារគ្រិស្ដសាសនា ឬសាសនាអ៊ីស្លាម នៅទូទាំងប្រទេស។ ហើយលោកនឹងជូនដំណឹងទៅអាជ្ញាធរពីទម្រង់នៃមហាបាតុកម្មនេះ ដោយក្ដីសង្ឃឹមថា នឹងគ្មានការដាក់កម្រិតចំនួនមនុស្សចូលរួម ដូចពេលកន្លងមកឡើយ។
ទម្រង់នៃមហាបាតុកម្មដែលបានប្រកាសនេះ ត្រូវបានប្រធានគណបក្សសង្គ្រោះជាតិ លោក សម រង្ស៊ី ឲ្យដឹងថា ជាការដង្ហែតាមព្រះរាជតម្រិះរបស់ព្រះមហាក្សត្រ ដូចមាននៅក្នុងព្រះរាជសារ ចុះថ្ងៃទី៣០ ខែសីហា ដែលបានអំពាវនាវដល់ប្រជាពលរដ្ឋទាំងអស់ឲ្យ«រក្សាភាពស្ងប់ស្ងៀម និងភាពថ្លៃថ្នូរនៃជាតិយើង»។ បើតាមលោកសម រង្ស៊ី នៅថ្ងៃទី២ កញ្ញានេះ លោកនឹងសរសេរលិខិតមួយថ្វាយព្រះមហាក្សត្រ តែលោកសុំមិនបង្ហាញពីខ្លឹមសារនៃលិខិតនោះទេ។
ជំហរថ្មីរបស់គណបក្សប្រឆាំងត្រូវគេមើលឃើញថា បានធ្វើឡើងក្រោយពីមានការឆ្លើយឆ្លងលិខិតគ្នារវាងប្រធានគណបក្ស ប្រឆាំង លោកសម រង្ស៊ី និងលោកជា ស៊ីម ប្រធានគណបក្សកាន់អំណាច។ នៅក្នុងសន្និសីទកាសែតដដែលនេះ លោកសម រង្ស៊ី បានសម្ដែងការស្វាគមន៍ និងអបអរចំពោះការបើកឱកាសរបស់លោកជា ស៊ីម ឲ្យមានជំនួបថ្នាក់កំពូលរវាងគណបក្សជាប់ឆ្នោតទាំងពីរ។ ប៉ុន្តែ រហូតមកទល់ពេលនេះ គណបក្សទាំងពីរនៅមិនទាន់មានគម្រោងជួបគ្នាជាថ្មីទេ ខណៈដែលលោក នាយករដ្ឋមន្រ្តី ហ៊ុន សែន អវត្តមានពីក្នុងប្រទេស៕
0 comments:
Post a Comment