មន្ត្រីបក្សប្រជាជនអរគុណអាស៊ីសេរីផ្សាយបកស្រាយការកាត់តខ្សែអាត់សំឡេង
ដោយ ខែ សុណង2013-08-20
RFA 
លោក ជាម យៀប ប្រធានគណៈកម្មការហិរញ្ញវត្ថុ និងសវនកម្មនៃរដ្ឋសភា ថ្លែងពីការពន្យារពេលបូមប្រេងកាតនៅវិទ្យាស្ថានជាតិអប់រំ កាលពីថ្ងៃទី៤ ឧសភា ឆ្នាំ២០១៣។
RFA/Morm Moniroth
លោក ជាម យៀប បានឆ្លើយតបទៅនឹងសំណួររបស់វិទ្យុអាស៊ីសេរី បន្ទាប់ពីគណបក្សប្រជាជនកម្ពុជា បានចេញសេចក្ដីថ្លែងការណ៍មួយកាលពីថ្ងៃទី១៩ ខែសីហា ឆ្នាំ២០១៣ ថា កាលពីរសៀលថ្ងៃទី១៨ ខែសីហា ឆ្នាំ២០១៣ វិទ្យុអាស៊ីសេរីបានចាក់ផ្សាយបន្តនូវខ្សែអាត់សំឡេងដែលបណ្ដាញសង្គមហ្វេសប៊ុក បានបង្ហោះដោយកាត់តសំឡេងរបស់លោកនាយករដ្ឋមន្ត្រី ហ៊ុន សែន ថាគណបក្សប្រជាជនចាញ់ឆ្នោត មានគោលបំណងបំភាន់សាធារណៈមតិ បង្កអស្ថិរភាពសង្គម ប៉ុនប៉ងបំផ្លាញលទ្ធផលបោះឆ្នោតជ្រើសតាំងតំណាងរាស្ត្រនីតិកាលទី៥ បន្ទាប់ពីលទ្ធផលឆ្នោតបណ្ដោះអាសន្នប្រកាសដោយ គ.ជ.ប បង្ហាញថា គណបក្សប្រជាជនកម្ពុជា ជាគណបក្សឈ្នះឆ្នោត។
វិទ្យុអាស៊ីសេរីមិនបានចាក់ខ្សែអាត់កាត់តនោះ នៅរសៀលថ្ងៃទី១៨ ខែសីហា ដូចការចោទប្រកាន់នៅក្នុងសេចក្ដីថ្លែងការណ៍របស់គណបក្សប្រជាជនកម្ពុជាទេ។ បន្ទាប់ពីបានស្រាវជ្រាវរកឃើញថា វីដេអូខ្សែអាត់សំឡេងនេះ ជាខ្សែអាត់សំឡេងដែលកាត់ចេញពីការថ្លែងសុន្ទរកថាជាសាធារណៈរបស់លោកនាយករដ្ឋមន្ត្រី ហ៊ុន សែន តាំងពីមុនបោះឆ្នោត វិទ្យុអាស៊ីសេរី ក៏បានចុះផ្សាយនៅក្នុងកម្មវិធីពេលព្រឹកថ្ងៃទី១៩ ខែសីហា ដោយបញ្ជាក់ច្បាស់ថា នោះជាខ្សែអាត់សំឡេងកាត់ត មិនមែនជារឿងបែកធ្លាយការណ៍សម្ងាត់អ្វីទេ។
នៅក្នុងបទសម្ភាសន៍ជាមួយវិទ្យុអាស៊ីសេរី មន្ត្រីជាន់ខ្ពស់គណបក្សប្រជាជនកម្ពុជា លោក ជាម យៀប មានប្រសាសន៍ថា លោកអរគុណដល់វិទ្យុអាស៊ីសេរី ដែលបានផ្សាយផ្ដល់យុត្តិធម៌ដល់គណបក្សប្រជាជនកម្ពុជា ឲ្យសាធារណជនបានជ្រាបពីក្រុមមនុស្សដែលចង់បំភាន់ដោយកាត់តសំឡេងរបស់លោកនាយករដ្ឋមន្ត្រី ហ៊ុន សែន នោះ។
នៅក្នុងបទសម្ភាសន៍ជាមួយវិទ្យុអាស៊ីសេរី មន្ត្រីជាន់ខ្ពស់គណបក្សប្រជាជនកម្ពុជា លោក ជាម យៀប មានប្រសាសន៍ថា លោកអរគុណដល់វិទ្យុអាស៊ីសេរី ដែលបានផ្សាយផ្ដល់យុត្តិធម៌ដល់គណបក្សប្រជាជនកម្ពុជា ឲ្យសាធារណជនបានជ្រាបពីក្រុមមនុស្សដែលចង់បំភាន់ដោយកាត់តសំឡេងរបស់លោកនាយករដ្ឋមន្ត្រី ហ៊ុន សែន នោះ។
0 comments:
Post a Comment