ដោយ កែវ និមល
2013-08-22
RFA2013-08-22
ពលរដ្ឋនៅសង្កាត់ព្រែកប្រា ខណ្ឌមានជ័យ ឈរតម្រង់ជួរដើម្បីចូលបោះឆ្នោត កាលពីថ្ងៃទី២៨ ខែកក្កដា ឆ្នាំ២០១៣។
Photo: RFA
កញ្ចប់សុវត្ថិភាព "ក" គឺជាកញ្ចប់ដែលដាក់ឯកសារដើមជាច្រើនមកពីការិយាល័យបោះឆ្នោត និងរាប់សន្លឹកឆ្នោត។ ឯកសារនៅក្នុងកញ្ចប់សុវត្ថិភាព "ក" រួមមាន ទម្រង់បែបបទលេខ ១១០១ ១១០២ និង ១១០៨ បញ្ជីបោះឆ្នោតដែលត្រូវបានប្រើក្នុងថ្ងៃបោះឆ្នោត ត្រាសម្ងាត់សន្លឹកឆ្នោតខូច សន្លឹកឆ្នោតមិនបានប្រើ និងគល់បញ្ជីសន្លឹកឆ្នោតដែលបានប្រើ សន្លឹកឆ្នោតបានការ សន្លឹកឆ្នោតមិនបានការ និងផ្ទាំងក្រដាសធំសម្រាប់កត់ត្រាសំឡេងឆ្នោតជាដើម។
ក្រុមប្រឹក្សាធម្មនុញ្ញជាស្ថាប័នកំពូលរបស់ប្រទេស ដែលទទួលកាត់សេចក្តីលើពាក្យបណ្ដឹងនានា ទាក់ទងការបោះឆ្នោត បើសិនជាសាមីខ្លួន ឬគណបក្សនយោបាយដែលចូលរួមបោះឆ្នោតពុំយល់ព្រមតាមការសម្រេចកាត់ សេចក្តីរបស់ គ.ជ.ប ទាក់ទងការបោះឆ្នោត។
ពេលវេលាចុងក្រោយរបស់ក្រុមប្រឹក្សាធម្មនុញ្ញសម្រាប់កាត់សេចក្តី ទាក់ទងលទ្ធផលបោះឆ្នោត គឺនៅថ្ងៃទី៧ ខែកញ្ញា ឆ្នាំ២០១៣៕
0 comments:
Post a Comment