បក្ស​សង្គ្រោះ​ជាតិ​ជួប​​​អ្នក​គាំទ្រ​ប្រមាណ​២​ម៉ឺន​នាក់

មេដឹកនាំ​គណបក្ស​សង្គ្រោះ​ជាតិ ជួប​ជាមួយ​អ្នក​គាំទ្រ​ប្រមាណ ២​ម៉ឺន​នាក់ នៅ​ទីលាន​ប្រជាធិបតេយ្យ រាជធានី​ភ្នំពេញ នៅ​រសៀល​ថ្ងៃ​ទី​២៦ ខែ​សីហា ឆ្នាំ​២០១៣។ ការ​ជួប​ជុំ​គ្នា​នេះ គឺ​ដើម្បី​សំណេះសំណាល​ជាមួយ​អ្នក​គាំទ្រ និង​ថ្លែង​សារ​នយោបាយ​មួយ​ចំនួន។

ដោយ វិទ្យុ អាស៊ីសេរី
2013-08-26

RFA

អ្នក​គាំទ្រ​គណបក្ស​សង្គ្រោះ​ជាតិ ជួបជុំ​គ្នា​នៅ​ទីលាន​ប្រជាធិបតេយ្យ នៅ​រសៀល​ថ្ងៃ​ទី​២៦ ខែ​សីហា ឆ្នាំ​២០១៣។

RFA/Uon Chhinកិច្ច​ជួប​ជុំ​នោះ​មាន​ការ​អនុញ្ញាត​ពី​ក្រសួង​មហាផ្ទៃ ប៉ុន្តែ​មាន​ការ​ដាក់​លក្ខខណ្ឌ​មួយ​ចំនួន ដូចជា​មិន​ឲ្យ​ហែ​ក្បួន មិន​ឲ្យ​មាន​អ្នក​គាំទ្រ​មក​ពី​បណ្ដា​ខេត្ត​មក​ចូល​រួម និង​មិន​ឲ្យ​មាន​អ្នក​ចូល​រួម​លើស​ពី ៥.០០០​នាក់​ជាដើម។

ការ​ជួប​ជុំ​នេះ ក្រៅ​ពី​ផ្សព្វផ្សាយ​សភាពការណ៍​នយោបាយ​រួម​ក្រោយ​ការ​បោះ​ឆ្នោត លោក សម រង្ស៊ី និង​លោក កឹម សុខា បាន​ថ្លែង​សារ​នយោបាយ​មួយ​ចំនួន​ឲ្យ​អ្នក​គាំទ្រ​គណបក្ស​សង្គ្រោះ​ជាតិ បាន​ដឹង​អំពី​គោល​ជំហរ​របស់​គណបក្ស​ចំពោះ​បញ្ហា​នានា ដែល​បាន​កើត​មាន​ក្រោយ​ថ្ងៃ​បោះ​ឆ្នោត​ផង​ដែរ។